අධි තාක්ෂණික කේබල් මුහුදු පතුලේ එළීම වෙනුවෙන් ශ්‍රී ලංකාව තුළ මෙතෙක් නිෂ්පාදනය කළ විශාලම නෞකාව ජපානය වෙනුවෙන් ලබාදී මෙරට ඉංජිනේරුවරුන් විශිෂ්ඨ පියවරක් ඉදිරියට තබා තිබේ.
කළම්බු ඩොක්යාර්ඩ් ආයතනය විසින් නිෂ්පාදනය කර ඇති මෙම K.D.D.I. කේබල් ඉන්ෆිනිට් යන නමින් හදුන්වනු ලබන නෞකාව ජපානයේ කොකුසායි කේබල් ෂිප් පුද්ගලික සමාගම වෙනුවෙනුයි නිර්මාණය කර තිබෙන්නේ.අද වන විට(2019 ජුනි 22) මෙය මෙරට ඉතිහාසයේ නිෂ්පාදනය කරනු ලැබු විශාලම නෞකාවද වේ.
මෙමගින් මහද්වීප අතර මුහුදු පතුලේ රැහැන් එළීම සහ අලුත්වැඩියා කටයුතු සහ ගැඹුරු මුහුදේ සිදුකරන මෙහෙයුම් සාර්ථකව සිදුකළ හැකි අතර මෙහි විශේෂත්වය වන්නේ සන්නිවේදන සහ විදුලි රැහැන් දෙවර්ගයම ගැඹුරු මුහුදේ එළිමට මෙම නෞකාවට හැකිවීමයි.
දිගින් මීටර් 113.1 ක්ද පළලින් මීටර 21.5 ක්ද මීටර් 8.8 ක ගැඹුරකින්ද යුක්තවන මෙම නෞකාව ටොන් 5757 ක ධාරීතාවයකදී මීටර් 7.1 ක උපරිම ගිලුම් දුරකින් සමන්විත වේ.පැයට සැතපුම් 14.5 ක වේගයෙන් යාත්‍රා කළ හැකි මෙහි 80 දෙනෙකුගෙන් යුත් කාර්යමණ්ඩලයක් සදහා සියලු පහසුකම් සමන්විත වේ.ඊයේ (21) නිල වශයෙන් මෙරට මැති ඇමතිවරුන්ගේ සහභාගිත්වයෙන් ජපානය වෙත භාරදීම සිදුකෙරුණු අතර අද (22)දිනයේ ජපානය බලා යාත්‍රා කිරිමට නියමිත වේ.කලම්බු ඩොක්යාර්ඩ් පී.එල්.සී ආයතනය ජපානයේ ඔනොමිචි සමාගම සමග එක්ව කටයුතු කර අතර ආයතනයේ සියයට 51ක හිමිකාරිත්වය ජපානයේ ඔනොමිචි සමාගම සතු අතර සියයට 35ක හිමිකාරීත්වයක් ශ්‍රී ලංකා රාජ්‍ය ආයතන සතුවේ.
Discussion about this post