චීනය තුළ කොරෝනා වයිරසයේ බලපෑම ක්‍රමයෙන් පහව යෑමත් සමඟින් චීන පාපන්දු ක්‍රීඩා සමාජයක් ලොව විශාලතම පාපන්දු ක්‍රීඩාංගණය ඉදකිරීමේ කටයුතු ආරම්භ කර ඇති බව විදෙස් මාධ්‍ය වාර්තා කර තිබිණි.
තවත් බැලිය යුතු ඒවා ...
ඒ අනුව චීනයේ ෂැන්ගුවා ප්‍රදේශයේ ඉදිකෙරෙන මෙම ක්‍රීඩාංගණය සඳහා ඇමෙරිකන් ඩොලර් බිලියන 1.7ක පමණ මුදලක් වැය වනු ඇති බව මේ වන විට ඇස්තමේන්තු කර ඇති බවද සඳහන්ය. එමෙන්ම නෙළුම් මලක හැඩයෙන් යුතු මෙම ක්‍රීඩාංගණයේ ඉදිකිරීම් කටයුතු 2022 වසරේදී නිමා කිරීමට නියමිතව ඇත.
මෙම ක්‍රීඩාංගණය තුළ ප්‍රේක්ෂකයන් ලක්ෂයකට අධික සංඛ්‍යාවකට තරග නැරඹීමේ පහසුකම් සහිත අති දැවැන්ත ක්‍රීඩාංගණයක් බවද අදාළ මාධ්‍ය වාර්තාවල වැඩිදුරටත් දක්වා තිබිණි. ඒ අනුව එය මෙතෙක් ලොව පවතින විශාලතම ක්‍රීඩාංගණය බවද වාර්තා වේ.
එහි ඉදිකිරීම් කටයුතු ඇරැඹි පසුගිය බ්‍රහස්පතින්දා චීන පාපන්දු සම්මේලනයේ සභාපතිවරයා අදහස් දක්වමින් පවසා තිබුණේ මෙහි ඉදිකිරීම් කටයුතු චීනයේ ස්ථාපිත ඇමෙරිකානු සමාගමක් විසින් සිදුකිරීමට නියමිත බවයි.
චීනයේ නවතම කොරෝනා වාර්තාව පහලින්
Discussion about this post